Shillong, Jymmang 18: ka jingiathep vote haka bynta kaba hynniew bad kaba kut ruh jong kane ka general elekshon 2019 sha Lok Sabha kan long la shai ka sngi ha ki hynniew tylli ki jylla bad Union Territory ha kylleng jong ka Ri India ha ki 59 tylli ki konstitwensi.
Baroh ki nongthep vote kiba dei ban jied ia ki 59 ngut ki MP ki don haduh 10,01,75,000 ngut bad ki kyrtong baroh kiba ia khun ha kine ki konstitwensi ki long 918 ngut bad ki jaka thep vote baroh ki don 1,12000 tylli.
Ki jylla ki ban leit sha kane ka jingiathep vote la shai ka sngi ki long ka, Bihar 8 konstitwensi , Himachal Pradesh 4, Jharkhand 3, Madhya Pradesh 8, Punjab 13, Utter Pradesh 13, West Bengal 9 bad Chandigarh 1.
