Shillong, Nohprah 04: U myntri ba dei peit ia ki kam pynroi sor u Bah Hamletson Dohling mynta ka sngi u la leit ban jurip da lade ia ka khyndailad ban sngewthuh kham bha namar ka jingpynkhreh ia ka ‘Smart City’ kala dang iaid sha khmat.
Haba kren ha ki lad pathai khubor ha dien ka jingleit jurip, u myntri ka sorkar jylla, u la ong ba kane ka jingwan jurip ka long ban ioh jingtip kham bniah ha kaba ia dei bad ka khyndailad namar ka jingpynkhreh ban pyntrei kam ia ka Smarty City ha kane ka nongbah Shillong kala iaid sha khmat.
Ha kane ka jingleit jurip mynta ka sngi, na ka liang jong u myntri u la ong ba na ka liang jong ka tnad pynroi sor kan sa ia kren bad ka tnad kam kit kam bah ia ka jaka kaba don ha khyndailad kaba peit da ka Meghalaya Transport Corporation kaba lait ha katei ka jaka lada lah ban ioh ia kane ka jaka lah ban shna ia ka jaka ieng kali.
Haba ia dei bad ka jingkhyuid jingsuba namar jong u myntri mynta ka sngi u la lap ba kane ka jaka ka dang jaboh, dang don kam ban hikai ia ki briew ban leh khuid namar ka jingkhuid ka wanrah ia ka koit ka khiah bad ia ka jingitynnad jong ka jaka.
Haba ia dei bad ka jingshong pathar jong ki nong die madan na ka liang jong u myntri ia kane um kwah ban ong ei ei namar ka dang don ka mukotduma hapoh ka iing bishar. U la ong ba ka SMB kala don ki jaka ba lah ban buh ia kine ki nongdie madan.
Ha kane ka jingleit jurip la synran lang ia u da u Director ka tnad pynroi sor u Bah E Kharmalki, u CEO jong ka Shillong Municipal Board u bah BS Sohlya bad u Executive Engineer jong ka SMB lem bad kiwei kiwei ki ophisar.
