Shillong, Naiwieng 21: U Myntri Rangbah ka jylla u Conrad K Sangma mynta ka sngi u la plie ia ka jaka ri dohkha ha Mawlyndep kaba dei hapoh Ri Bhoi District bad kane ka jaka kan long ruh kum ka jaka jngohkai pyrthei.
Haba kren ha kane ka jingplie ia jaka ri dohkha la ong ba kane ka dei ka jaka ba itynnad tam kaba ka tnad ri dohkha kala shna na ka jylla Meghalaya bad u la ai ka jingiaroh ia ki trai shnong kiba la ai ka jingiatrei lang bad kane ka jaka ka long kaba khring ia ki nongwan jngohkai pyrthei.
La ong ba ka jingshna pynbha ia kane ka surok kaba leit sha Mawmaram ia kaba la dep ban mang pisa T.15 klur ban shna ia kane ka surok na ka World Bank, kane ka surok kaba 41.527 km, kane ka surok kan long la lat NEPA sha ka Mawmaram ka jinglut kan kot sha ka T.64 klur.
Ia kane ka jaka ri dohkha la bei pisa ruh na ka mang tyngka kaba kyrpang jong u mytnri rangbah ka, u myntri rangbah u la ong ba ki jaitdoh baroh kiba bam bun eh ha kane ka jylla dei ka dohkha bad ha ka shisnem ka jylla kam bam haduh 30,000 metric tons ha ka shisnem bad ka jylla ka pynmih tang 50% kaba bun ka wan na sha bar ka jylla.
Ha kane ka sngi u myntri rangbah ka jylla u la air uh ia ka sytnot ba kane ka shnong Mawlyndep ka dei ka shnong kaba la don pankhana lut baroh shishnong, la ong ruh ba kane ka shnong ka dei kaba la shim da ban iarap da u Dr. WR Kharlukhi, MP Rajya Sabha, ha kane ka sngi la don lang u MLA ka Umsning u bah Jason Sawkmie Mawlong, ka MDC ka kong Macdalyne Sawkmie Mawlong ka DC jong ka Ri Bhoi kong R M Kurbah bad kiwei ki ophisar ka Ri Bhoi.
