Shillong, Naiwieng 26: Ban kynmaw burom ia u Dr. Verghese Kurien u ba la tip kum u kpa ka “White Revolution” ka jylla Meghalaya mynta ka sngi kala pynlong ia ka National Milk Day 2019 bad ka phang pdeng jong mynta u snem ka long “Dih Dud mynta bad man ka sngi”.
Ha ka jingkren jong u mytnri rangbah ka jylla u Conrad K Sangma u la ong ba ka jylla Meghalaya ka don kam ia ka Dud haduh 2.3 lakh Metric Tone, hynrei ka jylla haduh mynta ka dang lah ban pynmih dud tang 83000 Metrik Tone. Kane ka kren shai ba ka dang don ka lad ban shim ia ka kam pynmih dud kum ka kam ban kmai.
Na ka liang jong ka sorkar kala shim bun ki lad ki lynti kumno ban iarap ia ki nongrep na ka bynta ban pynshlur ban shim ia kane ka kam pynmih Dud namar ka dur kadei kawei na ki jingdih ba lah ban pynioh ia ka betamin ha ka jingim jong u briew. La ong ba ka jingdih dud ha ka jylla Meghalaya ka long tang 83 gram katba ha ka Ri baroh kawei pat ka long 200 gram.
Ha ka jingkren jong u symbut myntri rangbah u bah Prestone Tynsong u ba dei peit ruh ia ka tnad ri mrad ha ka jylla u la ong ba ia ka National Milk Day la rakhe man u snem ha ka Ri baroh kawei ban pynkynmaw ba ka jingduh dud ka long kaba don kam. La ong ba ka sorkar ka ialeh ban pynkhlain ia ka rukom pynmih dud da ki lad bapher bapher.
Ha kane ka jingialang la iathuh ba ka sorkar ka dang wad kilad ki lynti kumno ban buh ia ka jaka ri masi ha Mawmerang ha South West Khasi Hills District. Ha kane ka sngi la don lang ruh u Dr. P Shakil Ahmed, Chairman ka Farmers Commission, K.N. Kumar, Regional Director jong ka NCDC NE Region A.K. Srivastava bad ki heh sorkar jong ka tnad ri mrad.
