Shillong, Nohprah 28: u Bah Prestone Tynsong Deputy Chief Minister jong ka jylla Meghalaya mynta ka sngi u la ong ba ka jingpynmih khubor ban ong ban nym ioh ILP ka dei tang ka jingkwah pynklumar jong ki katto katne ki briew.
Kito kiba pynmih ia kum kine ki khubor ka long ban pynklumar jingmut ia ki paidbah bad ki kwah ba kan nym ka huri hura, kane ka khubor kam dei kaba shisha kumba la pynmih na kawei ka online News mynta ka sngi.
Na ka liang jong u bah Prestone u la ong ba ka sorkar kan ia kynduh ia u myntri kam poh iing ka sorkar pdeng ha kane ka snem thymmai. Mynta ki dang ap ia ka sngi ban ia kynduh bad u myntri kam poh iing ka sorkar pdeng.
Haba la kylli hato phi iohi ba don kti kato katne ki briew kiba don kti ban leh ia kane ka kam pynsaphriang ia kane ka khubor, u bah Prestone u la ong ba ki don hynrei u la ong bay n nym kynnoh ia kano kano ruh.
