Shillong, Naiwieng 13: Mynta ka sngi ha ka dorbar ba kyrpang jong ka JHADC, u Chairman jong ka iing dorbar u Bah AH Darnei u la pynbna ba namar bay m don ba thep kyrteng lait noh tang kawei kaba dei jong ka kong Violet kumta u la pynbna ba la jop khlem da don ba ia leh pyrshah.
Da kane ka jingpynbna mynta ka sngi, ka kong Violet Lyngdoh ka MDC ba nyngkong kaba la jop ia ka ilekshon ha u snem 2014, mynta ruh kala pynsah nam hapoh jong ka JHADC ba kala long ka kynthei ka ba nyngkong ban ioh shong ha ka shuki Deputy Chairman hapoh jong ka JHADC.
Ha dien ba la pynbna ia ka jingjop jong ka kong Violet ia kane ka kam Deputy Chairman khlem da don ba ialeh pyrshah, la synran sha ka jaka shong jong u Deputy Chairperson da u nongialam jong ka iing dorbar u Bah Madonbai Rymbai CEM jong ka JHADC.
