Shillong, Naitung 29: Ka Hynñiewtrep Youths’Council (HYC) Education Cell CEC, hadien ba Kum Seng, ka la iohi ia ka revised guidelines Jong ka University Grant Commission (UGC) kaba la pynmih myn ha ka 6.7.2020, kaba la bthah iaki College bad University ban ki dei Ban pynlong beit iaka examination Jong ki final year student ha baroh kawei ka Ri India wat hapdeng ka jingshah ktah bad ka jingkiew Jong ki positive cases ha kylleng ka Ri kumjuh ha ka jylla Meghalaya.
Kum ka Seng lyngba kane ka kyrwoh ka sngew ban pynpaw ba kane ka Rai Jong ka UGC ka dei kaba ktah bad ka bym lah ban pdiang da leilei ha Kum ka por namar ka lah ban ktah iaka koit ka khiah Jong ki samla pule na Kane ka khlam COVID-19,Nalor kata ngi la iohi ruh ba kiba bun hi ki khynnah pule Kim pat long kiba la pynkhreh na bynta ki examination khamtam lei hadien ba ka la don ka jingkhang khyrdep iaki jaka pule naduh u bnai march bad wat ki online classes ruh ba la pynlong Kim shim la long kiba biang pura khamtam iaki khynnah kiba sah ha ki thain nongkyndong.
kumta kum Ka seng lyngba ka education cell,ngi sngew ban pan Lang iaki jingai jingmut Jong ki baroh Bor pyniaid colleges/Universities kiba don ha ka jylla naduh ki principal, ki nonghikia bad kumjuh ki khynnah pule Jong ki final year halor Kane ka Rai Jong ka UGC khnang ba Lada don ka jingpyrshah ruh, kan mih beit tang kawei ka sur kaba skhem na baroh na bynta ka bit ka biang Jong ki khynnah pule bad kumjuh Jong ki nonghikia kiba hap ban attend Kum ba la bthah ka UGC.
Ka Seng HYC kala iohi ba watla ka la don ka jingpyrshah da ka petition Jong ki 31 ngut ki khynnah pule na kylleng ka Ri India, halor Kane ka Rai Jong ka UGC ban pynlong iaki final year examination ha Supreme court ha kaba ka hearing kaba ar halor Kane ka bynta yn pynmih la 31tarik bad kumjuh ha ka Delhi High Court, Bombay high court,Karnataka High court bad kumjuh ka Gauhati High court ha kine ki sngi ba la dep.
Hynrei kumba la iohi naka Liang ka UGC ka la bynrap beit ba ka Rai hi ba la pynmih myn ha ka 6tarik na ka bynta ki final year ka ym pynkylla Hynrei Kan neh beit kumjuh kata ba ki final year examinations kin long beit ha u bnai September lyngba ka online/blended mode exam bad ki University/college kin hap ban bud beit ia kane ka kyndon.
Ka Seng, ka sngew ruh ba ia mynta kiba bun ki khynnah pule ruh ki dang don hapdeng ka jingklumar jingmut halor kine ki Rai, bad kumta ka donkam kyrkieh iaki Bor pyniaid Jong ki university/college ban wan shakhmat ban shim Lang iaki Rai ban leh na ka bynta ka jingpynsngew iaki jingeh Jong ki samla pule Jong ki Final year. La ong u bah Enlang Sawian Secretary Education cell HYC haka kywoh.
