The Union Minister for Environment, Forest & Climate Change and Information & Broadcasting, Shri Prakash Javadekar addressing a press conference regarding some important issues related to the Ministry, in New Delhi on October 07, 2019.
New Delhi, Risaw 07: Ka Central Pollution Control Board (CPCB) kala ialeh ban pynmih ia ki kyndon ban ia khun pyrshah ia ka jingjaboh ka mariang kaba na ki kali khamtam hapoh jong ka nongbah Delhi.
Ia kane la kren da u myntri ba dei peit ia ka jingpynneh pynsah ia ka mariang u Prakash Javadekar haba kren ha ki lad pathai khubor mynta ka sngi ha nongbah Delhi, u la batai ba mynta ka sngi kala don ka jingiakynduh bad ki san tylli ki jylla ban ia mir jingmut kumno ban ialeh pyrshah ia ka jingpynjaboh ia ka mariang kaba la mih na ka jingthang niut ka ban sa sdang shen.
Ban iada na ka jingthang niut, ka sorkar pdeng kala dep ban sam 20 hajar tylli ki mashin sha ki nongrep ha ka jylla Pynjab bad Haryana bad ka dor jong kine ki mashin kila kot sha ka T.1150 klur, la ong u myntri ka sorkar pdeng.
U myntri ka sorkar pdeng u la ong ba ka jingjaboh jong ka lyer ha nongbah Delhi kala sdang naduh u snem 2008, hynrei ia kane ka bynta ym don ba ioh lait noh haduh u sem 2014.Dei ha u snem 2015 hapoh ka jingpeit jong u myntri rangbah duh jong ka Ri India la pynlong ia ka jingpeitngor ia ka jinglong ka lyer. La ong ba tang ha Delhi la buh haduh 113 tylli ki jaka thew lyer.
Haba ia dei bad ki kali u myntri ka sorkar pdeng u la iathuh ba ka “Bharat Stage Six’ (BS VI), kan long kawei pat u mawjam ha kaba pynkylla ia ka umphniang kaba pyndon kam ha ki kali bad kane kala pynduna da 80% ka jingmih tdem na ki kali bad na kane 30% kala pyndun ia ka jingpynmih ia ka tdem Nitrogen Oxides ha ki kali BS IV ha kaba ia nujor bad ki BS III.
La pynlut kumba T.60,000 klur tyngka ban pynkylla ia ki kali sha ka BS VI bad ia kane ka kyndon kaba thymmai yn sa pyntrei kam noh naduh u bnai Iaiong 2020. La iathuh ba ki kali kiba la don ia ka BS VI kila don ha nongbah Delhi la ong u myntri ka sorkar pdeng ba dei peit ia ka mariang.
Haba ia dei bad ka jinglehkmen Diwali na ka liang jong u myntri ka sorkar pdeng u la kyntu ia ki paidbah ba kim dei ban thang bombula, lada kit hang ruh ki dei ban pyndon kam ia ki bombula ba la pynmih thymmai kiba la tip kum ki “Green Fire Crackers”.
Na ka liang jong u myntri u la ai ka jingiaroh ia ka CPCB kaba la ialeh katba lah ban tem ia ka jingpyn jaboh ia ka mariang bad lada dang don kam shuh shuh kin sa dang pynbha.
