Ka sorkar India kan rakhe ia ka jingdap 100 snem ‘Jallianwalla Bagh Massacre’ ha u 2019

New Delhi, Naiwieng 24: Ka sorkar India kala shim ia ka rai ban rakhe ia ka jingdap 100 snem jong ka jingjia ia kaba la tip kum ka “ Jallianwalla Bagh Massacre” ha u snem 2019. U myntri khynnah ka sorkar pdeng ba dei peit ia ki tnad pynneh riti dustur jong ka Ri India u Dr Mahesh Sharma u la leit jngoh mynta ka sngi ia ka Jallianwalla Bagh ha Amritsar, Punjab.

Ha kane ka jingleit la don lang ruh u myntri khynnah ba dei peit ia ki kam shna iing bad kam pynroi sor u HardeepSingh Puri bad ki heh sorkar kiba dei na ka ASI bad NBCC ban peit ia ka jingpynkhreh na ka bytna kane ka jingkynmaw burom ia ka jingdap 100 snem ia kaba kaba la jia ia kaba la tip kum ka ‘Jallianwalla Bagh Massacre’ ia kaba yn sa leh burom ha u snem 2019.

Ha ka jingpynlait khubor mynta ka sngi u Dr Mahesh Sharma, u la ong ba katba dang pynkhreh ia kane ka jingrakhe ia ka jingdap 100 snem ia kaba la tip kum ka :Jallianwala Bagh Massacre” ha Jallianwala Bagh, la don kam ban pynbha ia kane ka jaka namar kane ka jaka kan long ka jingpynkynmaw ia ki pateng ban dang wan ba kane ka jingjia ka dei ka jinglen lade na ka bynta ka jingialeh laitluid na ka bynta ka Ri.

Ka sorkar pdeng kala pynkhreh ban pynbha ia kane ka jaka sah kynmaw da kaba buh ia ki jingdon kam ki briew ki ban wan sha kane ka jaka bad kyrpang eh na ka bynta ki nongwan jngohkai pyrthei, ha ka sngi ban rakhe ia ka jingdap 100 snem kin don bun jingpyndon burom ha katei ka sngi ka ban long ha ka 13th Iaiong 2019.

Ban peit ba ki jingtrei baroh kin dep ha ka por kaba biang la thaw ia ka komittee kaba kyrpang ban peit ia kane ka kam bad kum ka jingsdang ia ka jingtrei la mang pisa T.8 klur tyngka bad lada dang don kam ka tnad pynneh riti dustur kan sa pynlait biang ia ka pisa katkum ka jingdon kam.

What Next?

Recent Articles

Leave a Reply

Submit Comment

*