Shillong, Rymphang 13: Na ka liang ka CoHSO ka pynpaw ia ka jingsngewkmen ba ka Rajya sabha kam shym la ai iaka jingmynjur ia ka citizenship amendment bill. Kumba ka long mynta, lada u President ka Ri India um khot ia ka joint parliament session, ka citizenship amendment bill kan iap noh namar ka term Jong ka Lok Sabha ka la lut noh.
Kane ka dei ka jingjop jong ka jaidbynriew Hynniewtrep bad jong ka thain North East hi baroh kawei . Ngi ai khublei ia baroh kiba la trei shitom ban pyrshah ia kane ka bill. Ka kynhun ka ai khublei ia baroh ki MP, ki Chief Minister, ki Minister, ki MLA, MDC, ki party, ki Sengbhalang na poh ka Bri u Hynniewtrep bad nabar jong ka , ki Dorbar trai Ri , ki seng treimon sngewbha, ki riew paidbah bad ia baroh kiba la pyrshah ia Kane ka bill.
Ka jingjop pyrshah ia ka CAB bad ka BJP ka dei tang ka jingjop ia i thma iba rit. Ka thma bah ka dei ka thma ban ia da bad pynneh pynsah ia la ka thymmei jong ka Jaidbynriew Hynniewtrep. Kum ka Jaidbynriew dang hap kyndit bynriew noh, namar lada ngim iada ia lade lyngba ka ain ILP, NRC bad ki wei, kan poi ka por ba haba ka BJP ne kano kano ka party Thor kin wan ha ka bor kin sa thombor biang.
Kumta ka CoHSO ka pynkynmaw biang ia ka sorkar ba ka dei ban pyntreikam noh kloilan ia ka ILP ,ka NRC bad kiwei de ki ain iada Ri ha ka jylla hi baroh kawei .
