Shillong, Lber 25: U myntri rangbah ka jylla Meghalaya u Conrad K Sanga u la ong ba shen ka sorkar MDA kan sa ia soi ia ka soskular bad ka World Bank ba ja bynta ba kan bei pisa sha kane ka jylla Meghalaya ban ia leh ban sumar bad ban pynneh pynsah ia ki tyllong um, kumba ka long baroh mynta la sdang ban sngewthuh ia ka jingkhluid jong ka mariang.
Ia kane la kren da u myntri rangbah ka jylla ha ka jingialang kaba la pynlong da ka “Natural Resources Management and Climate Change- Opportunities and challenges for entrepreneurs in Garo Hills” ia kaba la pynlong ha Dikki Bandi Stadium ha Tura. Kumba ka long mynta ka jingkylla jong ka mariang kala jia mynta. Kane ka jia ha baroh kawei ka pyrthei bad wad ha India ruh, ka daw ka long namar ka jingpynjot pathar ia ki khlaw.
Ha kane jingialang u myntri rangbah u la ong ba baroh ki Ri ha ka pyrthei ki dang ia leh mynta ban pynduna ia ka jingpynjot ia ka Mariang, ka jingthang ia u dewiong bad ka jingpyndon kam ia ka umphiang ka wanrah ia ka jingkiew ha ka Co2. Na ka liang jong u myntri rangbah u la pynpaw ia ka jingsngewkhai kaba jur ia ka jingsdang tyrkhong ki tyllong um ha ka jylla.
Ban iada ia ka mariang ka sorkar jylla shem kan sa ia soi ia ka soskular bad ka Wolrd Bank ba kan bei pisa T.100 klur na ka bynta ban ialeh ban pynneh pynsah ia ki khlaw kiba dei ki tyllong um. Na ka liang jong ka sorkar ka don kam ia ka jingkyrshan jong ki paidbah ha kaba ia dei bad kane ka jingthmu jong ka sorkar ,ha kane ka jingialang ki paidbah kila pdiang ia kane da ka jingiarisa ha Tura.
Ha kane ka jingkren jong u myntri rangbah ha kane ka jingialang paidbah u la ong ba ka sorkar kan pynshlur ia baroh ki long iing long sem ba man ka thiew iing kin thung u wei u dieng kum shi bynta ka na k jingialeh ban wanrah biang ia ka jingkyrngam bad ka ktien phira ka long “ Ka jingim jong nga, u Dieng jong nga”. U dieng u pynmih ia ka Oxygen bad iada ka mariang, la ong ba ka jingialeh ban ia da ia ka mariang ka long wat shabor na ka jingiada ia ki tyllong um.
Ban leh ia ka don kam ia ka jinghikai ia ki paidbah, haba ia dei bad ka jingkwah jong ka sorkar u la ong ba ka sorkar kan pynduh noh ia ki bulb light kiba juh pyndon kam baroh shikatta hynrei kan hikai noh ia ki briew ba kin pyndon kam noh da ki LED Bulbs bad ka sorkar pdeng ka long kaba la kloi ban ai ia kine ki bulb ha ka dorbar kaba duna, ong u Conrad K Sangma myntri rangbah ka jylla.
