Shillong, Lber 22: Ki dkhot jong ka KSU jong ka South West Khasi Hills District kila bat ia u wei u briew u ba kila suba ba u dei u nongkhaii drugs katba u dang hiar kali ha jan Laitlawsang ha ka por mynmiet bad ka kyrteng jong une u ba la shah kem ha ki dkhot jong ka KSU u dei u Anderson Lyngdkhoi.
Na ka liang jong ka KSU ha dien ba kala ioh ban kem ia u ne u ba kila suba ba dei u nongkhaii drugs kila aiti sha ki bor pulit ban leh ia kaba don kam, na ka liang jong ka seng kala bud dien ia une u briew la kham slem bad ka jingioh kem ha kane ka miet ka long ba u la hiar ha kane ka jaka na ka kali ba lei ai sha kiwei pat ki ia une u jingdih ba sniew.
Ha ka kyrwoh kaba la phah da u samla P Waniang Education Secretary jong ka seng KSU, u la pynpaw ia ka jingsngewdiaw ba kum kine ki jingsniew kila sdang ban rung hapoh ka thain Mawkyrwat, na ka liang jong ka seng kan nym shong kli kti ban ia leh pyrshah ia kine ki jingsniew shuwa ba ka por ka dier.
