Shillong, Jymmang 14: Ki pulit jong ka West Jiantia Hills Distyrict ha dien ba kila ioh ia ka jingtip ba ki don ki lehnoh jong ka seng NSCN-K ha Jiantia Hills kila pynlong ia ka jingkhynra bad ha kane ka jingkhynra kila ioh ban kem ia u Deputy Secretary ba dei peit ia ka tnad lum khajana jong ka seng lehnoh ia kaba la tip kyrteng kum u Gaising Maringmei ia kaba la tip da ka kyrteng sin kum u Ronal u ba la 40 snem ka rta, ia u la kem na ka shnong Mookyniang jong ka Khliehtyrshi.
Ha dein ka jingioh kem ia u tei u nongialam, da ka jingphla ka jong u la ioh ban kem sa ar ngut ki dkhot ka seng u Khamjang Rongmei-35 snem bad u Thuanguangpou Kamei bala tip ruh kum u Benjamin 40 snem. Na kine ki ar ngut la ioh ia ka pisa T. 2,00,000 tyngka bad shibun ki sim kard, ki mobile phone bad ki kot ki sla kiba ia dei bad ka seng lehnoh NSCN-k.
Na ka jingthoh kit la lap shuh shuh ba ia kane ka pisa la siew da ka komepni M/S Bharatiya Company Limited kaba pyntrei kam ha katei ka jylla Manipur bad ka pisa baroh ka long T. 25,00,000 lak tyngka sha u Dy. Secretary Revenue hs ka 10.05.2018 ha West Jiantia Hills bad na kane ka pisa T.13,00,000 la phah sha Imphal lyngba ka kurim jong u Deputy Secretary ka Tanthaoliu Gonmai lyngba ki bus na Shillong ha ka 13 tarik na Shillong ban poi sha Dimapur.
Halor jong kane ka jingtip kaba la ioh ki pulit ka Jiantia Hills kila pyntip sha ki pulit jong ka jylla Manipur ha kaba la ioh ban kem ia ka Tanthaoliu Gonmai na Imphal West District ha ryngkat ka pisa T. 13,00,000 Lak tyngka. Ki pulit jong ka West Jiantia Hills kin leit sha Manipur ban wan rah ia katei ka kynthei sha Jowai ban tohkit.
Ha dien kane ka jingioh kem ia ka Tanthaoliu Gonmai na Imphal, la ioh ruh ban kem ia u Dimchiulungam na police Bazar Shillong da ka jingiarap jong ki pulit na Shillong. Kumba ka paw mynta ki lehnoh NSCN-K kiba dei na ka shnat trei kam ha kaba ia dei bad ki kam dawa pisa ki pyndon kam ia ka Jiantia hills ba kan long ka ktem ka jong kin a ka bynta ban dawa pisa bad ban thied tiar siat.
Haba ia dei bad kane ki pulit jong ka Jowai police sation kila register ia kane ka kase No. 115(5)2018 u/s 121/121A/120B/384 IPC r/w Sec 10/13 UAP Act hapoh kitei ki kyndon pyrshah ia kitei ki briew baroh kiba la ioh ban kem bad la rah ia ki sha iing bishar ban tian bishar bad ka iing pisa kala ai por saw ngut ia ki pulit ban kin tohkit ha kti jong ki pulit bad na ka liang jong ki pulit kin dang tohkit shuh shuh ha kaba ia dei bad kine ki lehnoh NSCN-K.
