Shillong, Jylliew 06: Ka jingkem ki BSF ia ki masi ba khaii tuh sha Bangladesh ka long jan man ka sngi hynrei na ka liang jong ki nongkhaii tuh kim salia ban leh ia kane ka kam namar ka doh masi ha Bangladesh kala long kaba rem dor bha.
Ki shipai BSF kila ioh kurup 14 tylli ki masi na Lyngkhat ha zeroline bad kila ioh ban kem ruh ar ngut ki briew ia kiba la tip kyrtengkum u Kaldinesh Singh 18 snem bad u Rasto Tangsong 20 snem kiba dei na ka shnong Remai kaba hap hapoh jong ka Pynursla Policer station jong ka East Khasi Hills District. Ka dor jong kitei ki masi kala kot sha ka ar lak tyngka.
Kum kane ka jingioh kem masi, ki BSF kila ioh ruh ban kurup na Purakhasia, West Garo Hills district, Nayabazar, Lyanghat East Khasi Hills district na kine ki lai jaka la ioh ban kurup haduh 41 tylli ki masi bad ka dor ka long T. 6.5 lak.
Na ka liang jong ki BSF ki kyrpad ia ki trai shnong, ki pulit bad ia ki BGB ba kin ia ai ia ka jingiatreilang na ka bynta ban ialeh pyrshah ia ki kam ki kam khaii masi tuh sha Bangladesh. Ha kane ka taiew kaba mynta la ioh ban kurup haduh 196 tylli ki masi bad ka dor kala kot sha ka T.36 lak tyngka.
