Shillong, Rymphang 19: Ki shipai BSF kiba don ha khappud bad ka Bangladesh kila ioh ban kem ia u wei u khar Bangladesh na ka shnong Laijuri kaba hap hapoh jong ka East Jiantia Hills District, ha dien ba la kem ia u ki shipai BSF kila pynphai noh ia u sha ki shipai BGB jong ka Bangladesh.
Une u khar Bangladesh u ba la wan rung sha India la tip kyrteng kum u Saidul Islam 35 snem na ka shnong Utholigram jong ka Chouranga District. Na ka liang jong ki BSF kila iohi ia ka jingwan jong une u briew bad kila ker kut bad kem ia u ha dien ba la rung sha India.
Na ka liang jong ki BSF kila pyrkhing bha ia ki khappud bad ka Bangladesh ban peit ba ki riew sniew kim dei ban ioh rung sha India lane na India ba kin leit sha Bangladesh ban leh ia ki kam sniew kiba bun jait ha khappud jong kine ki ar tylli ki Ri.