Shillong, Nailur 27: Ki shipai jong ka Border Guard ka Ri Bangladesh (BGB) mynta ka sngi kila pynsngeh ia ka kynhun survey ban ker ksainar shniah jong ka Ri India ha Tamabil, jong ka West Jiantia Hills District.
Halor kane ka jingleh jong ki BGB, na ka liang jong ki shipai ia da khappud jong ka Ri India ki Border Security Force (BSF) mar dor kila pyntip sha ki bor ba halor jong ka kynhun shipai BGB, ha kaba la pynlong mar dor ia ka jingialang hapdeng jong ki mynta ka sngi ha Tamabil.
Ha kane ka jingialang na ka liang jong ki BGB kila pynpaw ba ka don ka jingsngewhtuh bakla namar kane ka kynhun shipai BGB kaba donha Tambil mynta ka dei ka dang wan shimti thymmai.
U Deputy Commissioner jong ka West Jaintia Hills District, u Arunkumar Kemphavi u la iathuh sha u SP News Agency, ba ia kane ka jingsngewhtuh bakla la ia pynbeit mynta ka sngi ha ka jingialang jong ka BGB bad ki BSF kaba la long ha Tamabil namar ba kane ka kynhun thymmai jong ka BGB kam pat tip ia ka soskular hapdeng ka India bad Bangladesh.
Na ka liang jong u Deputy Commissioner jong ka West Jaintia Hills u la ong ba kane ka jingjurip ban ker ksainar shniah ha khappud bad ka Bangladesh ha ki bynta jong ka Dawki-Tamabil kan beteng biang na duh la shai ka sngi.
.
