Lighning strikes.
Shillong, Iaiong 21: Mynta ka sngi kala don ka jingjia kaba sngewsih hapoh jong ka shnong Mawkadiang kaba hap hapoh jong ka West Khasi Hills District ha kaba kala don ka jingpom pyrthad ha kaba ar ngut ki briew kila khlad bad lai ngut kiwei pat kila mynsaw ha kane ka jingjia kaba sngewsih.
U Superintendent jong ka West Khasi Hills u Bah B J Laloo u la iathuh ba kine kiba khlad ki long u bah Horbius Jyrwa 20 snem bad ka kong Phaldoris Marwein 40 snem.
Kiba la mynsaw ki long u Bah Halman Marwein 40 snem, Kong Thaliar Marwein 60 snem bad ka kong Ariantiful Khar Syiemlieh 33 snem. Ia kane kiba mynsaw la pynkit sha Nongstoin Civil Hospital ban sumar.
Na ka liang jong u SP jong ka West Khasi Hills District la iathuh ba ia kine ki lai ngut kiba mynsaw la pynkit sha Nongstoin Civil Hospital ban phah sumar. Kane ka jingjia kaba sngewsih kala jia ha ka por kumba 11.45 baje shiteng sngi.
