Shillong, Risaw 27: Ka jingjia kaba sngewsih ha kaba kawei ka long kmie bad san ngut ki khun kila khlad na ka daw jong ka jingshah bat ha ka light, kane ka jingjia kala jia ha ka shnong Nongthymmai-Neng ha Lyniong kaba hap hapoh jong ka Mawngap police outpost.
Kane ka jingjia kala jia ha ka por saw baje nohphai sngi mynta ka sngi, ha kane ka jingjia ka kong Prisdalin Shangpliang ka kmie bad san ngut ki khun kila duh ei iala ka jong ka jingim, kine kiba la khlad ki long u Kamustar Shangpliang 9 snem, ka hep rit Sngewbhalang Shangpliang 6 snem, u hep rit Bedingstar Shangpliang 5 snem, ka hep rit Sisharlin Shangpliang 2 snem bad u wei u khyllung ba dang hynniew bnai.
Katkum ka jingtihuh jong ki pulit la ong ba kane ka long kmie, ka kong Prisdalin Shangpliang mynta ka dang armet . La kynnoh b aka daw jong kane ka jingshah bat light ka dei ba ka leakage ka light na ka Transformer kaba don ha jan. Na ka liang jong ki pulit mynta kila pynlong ia ka jingtohkit.
