Shillong, Nailur 12: Ha ka por shiteng sngi mynta ka sngi kawei ka kali Maruti kala leit ban tynrah ia kawei ka nongdie jingdie ha rud surok ha jan Rhino Museum ha kane ka jingjia ba sngewsih kane ka samla kala khlad ha shen.
Na ka liang jong ki pulit ki iathuh ba ia kane ka samla kaba la khlad ha kane ka jingjia ba sngewsih la tip kyrteng kum ka Pinki Begum, ha kane ka jingjia la don ruh u wei u rangbah ba la mynsaw. Na ka liang jong ki pulit kila bat ia kane kali ban pynlong ia ka jingtohkit.
Kiba bun kila pynsngew ba kane ka jingdie ha ruk surok ha kaba ki kali ki iaid ki ieng kan wanrah ia ka jingma kaba khraw lada jia ba ka kali ka thut kan long kaba mynsaw shibun ia kiba die jingdie ha rud surok ha ki jaka ki bym don jingiada.
Kila don kiba pynpaw ba lada ka don ka jingphai break jong ki kali kiba noh na Motphran sha Police Bazar ka jingiap briew kan long kaba shekhei. Hato na ka liang jong ka ain kin leh kumno haba kumne ne ki bor sorkar kin kyndit bynriew yn da la wan jia ki jingjia ba sngewsih.
