Shillong, Naitung 24: Ki 466 ngut kiba la pass ia ka kam jugali kaba pynlong da ka Meghalaya Electrical Cooperation Limited, kiba khlem pat shah thung kam ha ka cooperation mynta ka sngi kila pynlong ia ka jingiakhih da kaba rah lama hajan katei ka office kaba don ha Lumjingshai.
Ha kane ka sngi na ka liang jong u Chairman Cum Managing Director u Bah P S Thangkhiew haba ula iohi ia kane ka jingiakhih ula khot ia ki nongialam ban ia kren ha kaba iadei bad kane ka kam jugali. Na ka liang jong ki jugali ha kane ka jingleit ia kren la ialam da u Bah Thomas Passah President ka KHNAM, ba dei jong ka youth wing.
Haba kren ha ki lad pathai khubor hadien ka jingia kynduh bad u CMD, ula ong ba kam shym don kano kano ka jingkular kaba shai ba lano yn thung kam lut noh ia kine ki 466 ngut kiba dang sah. Hynrei la iathuh ba MeECL kan sa pynjlan shuh ia kane ka result sa lai bnai hadien ba kan kut noh ha ka 2 tarik Nailar jong u bnai ban wan.
Hynrei ha kane ka jingiakren na ka liang jong u CMD ula ai ka jingkular kaba skhem ba hadien ba yn sa pynjlan sa lai bnai un ialeh shitom ba baroh kine ki 466 ngut kiba dang sah yn lah ban thung lut ia ki. Ban shu pynkynmaw ba baroh kiba la passed ia ka exam jaguli ki long 722 ngut hynrei haduh mynta la lah ban thung tang 256 ngut da ka MeECL.
