Shillong, Jylliew 04: U myntri rangbah jong ka jylla Punjab ha dien ba la her ki khubor ba ka don ka jingiakhih ha kane ka nongbah Shillong pyrshah ia ki Harijan kiba sah ha kane ka nongbah Shillong u la phah i aka kynhun ba saw ngut ki briew ban wan wad ia ki jingshisha.
Ia kane ka kynhun la ialam da u Sukjinder Randhaba myntri ba dei peit ia ki kam Corporation bad Jail hapoh jong ka jylla Punjab, u Kuldip Singh Viad MLA, u Raveet Singh Viad bad u Surjit Sing kine baroh ar ngut ki dei ki MP.
Haba kren ha ki nongthoh khubor ha dien ba la ia kynduh ia u Myntri rangbah ka jylla u Conrad K Sangma, u Sukjinder Randhaba, u la ong ba ha dien ka jingiakynduh ia u mytri rangbah kila shem ba kam shym don kata ka jingiakynad kumba la bna ha ki lad pathai khubor. La ong ba ha ka jingiakynduh bad u myntri rangbah la sngewthuh ba ki Harijan kiba sah ha kane ka nongbah Shillong ki shnong shngian.
La iathuh ba wat la ka don ka jingiakyndad, ia kane kim sngewpher namar ki juh do kum kine wat ha kiwei ki bynta jong ka Ri India, hynrei baroh ia lang ki nong India, haba ia dei bad ka jingdawa ban pynkynriah ia ki briew na Them Motor u la ong ba kane ka dang sah hapoh ka iing bishar bad kane ka kam ka dei ka kam jong ka sorkar jylla.
Ka jingwan jong ki sha ne kam dei ba ki wan bania kren kita kiei kiei hynrei ki wan tang ban wan peit la ka jingmih khubor ka long kaba shisha ne em, hynrei haba kila wan sha Shillong ki shem ba kaei kaba la mih ha ki lad pathai khubor kim long kiba shisha. Ki Harijan ha kane ka nongbah Shillong ki shong shngian.
U la ai ruh ka jingiaroh ia u myntri rangbah ka jylla u ba la shim khai ia ka kam ban ai jingiada ia ki briew bad u myntri dep ban pan.rangbah ha kane ka jingiakren u la kular ba ka sorkar kala shim khia ban wanrah biang ia ka jingshong suk ha kane ka nongbah Shillong.
Halor ka jingiakynduh bad kane ka kynhun kaba la wan na Pynjab, u myntri rangbah u la iathuh ba mar ia don ka jingjia ha ka meit 31 tarik na ka liang jong u la kren ia u myntri kam poh iing ka sorkar pdeng, ia u myntri rangbah ka jylla Punjab. Haba ia dei bad ka jingpan shuh ia ki purton pulit na ka sorkar pdeng u mytri rangbah um shym la iathuh katno hynrei u la ong ba ka sorkar jylla kala pan shuh ia ki pyrton pulit na ka sorkar pdeng
