Shillong, Jymmang 17: Ka Deputy Commissioner jong ka East Khasi Hills District ka kong M War Nongbri IAS mynta ka sngi kala pynbna ba ki dukan kiba hap hapoh ka nongbah Shillong kin plie saw sngi kata ha ka 20th, 21st, 22nd bad 23rd mynta u bnai Jymmang 2020 ki dukan kin plie naduh ka por 9.00 baje mynstep haduh 4.00 baje janmiet.
Ki dukan kiban plie ha kitei ki saw sngi ha ki jaka ba hap hapoh ka sor Shillong kin long ki dukan sam khaw ration, sam umphniang sharak, ki dukan kiba la don kyrteng bad ia kine la pynbun sha ka 2122 tylli.
Ki dukan die jhur, soh, doh, die jingbam, kiba don ha ki shnong bad ki dong, ki dukan bala register bad ka tnad Ri jingri, ki dukan kiba la register bad ka tnad rep, ki dukan die tin rong, ki dukan die tiar light, ki dukan shna mobile bad ki dukan dry Cleaner.
Ki dukan ki ban plie tang ar sngi kata ha ka 21 bad 22 tarik mynta u bnai kin long ki dukan shna mobile, ki dukan die computer, ki dukan Stationary Shop, ki karkhana shna kali kiba don marwei kin plie ha ka 21 tarik mynta u bnai, ki dukan die tiar kali ba don marwei kin plie ha ka 22 tarik mynta u bnai.
Ki dukan ha ki Civil Sub Division bad ha ki block kin plie saw sngi kata naduh ka 20th haduh ka 23rd mynta u bnai jymmang 2020. Ki dukan kyiad kin plie hynriew sngi lynter ha ki katto katne ki jaka kiba la ait jingbit.
Ki kam ba dei ban plie baroh hynriew sngi hapoh jong ka East Khasi Hills ki long ki dukan die dawai, ki jaka ai jingsumar ia ki jingri, ki petrol pump, ki dukan ba leit rah jingbam sha ki iing, ki karhana shna kali kiba don ha National Highway. Ki jingtrei ba trei hi.
La bthah ruh ba dei ban but ia ki jingpynbna jong ka sorkar bad ka tnad ka koit ka khiah ban ia jngai iwei na iwei ban deng jingtap khmat ha ki jaka paidbah, ban nym biah ha ki jaka paidbah, la kyntu ban ia treilang ia kaei kaba la pynbeit da ki bor shnong bad kum juh ki pulit.
