Ki lad pathai khubor ki long kiba sted bha ha kaba phah jingtip: Kyrmen

Bah Kyrmen ShyllaShillong, Risaw 13: ka Meghalaya State Disaster Management Authority (MSDMA) mynta ka sngi kala pynlong ia ka jingiamir jingmut ha pdeng katei ka tnad sorkar bad ki lad pathai khubor jong kane ka jylla Meghalaya kumno ban leh ha ka por ba don ka jingshah lynshop ha ka mariang.

U myntri ka sorkar jylla u Bah Kyrmen Shylla myntri ba dei peit ia ka tnad Revenue bad  Disaster Management ha ka jingkren plie ka jong u ua kane ka jingiamir jingmut, u la ai ka jingkubur ba ki lad pathai khubor ki long kiba sted bha ha kaba phah jingtip ha kaba ia dei bad kino kino ki jingjia.

Kane ka jingialang kaba long mynta ka sngi ha pdeng kane ka tnad sorkar bad ki nongthoh khubor u la ong ba ka long kaba don kam namar ka jingtip baroh sha ki paidbah ka dei lyngba ki lad pathai khubor la ka long shuwa ba kan don kano kano ka jingjia, ha kapor bad jia ne ynda la dep ban jia ruh ka jingtip baroh ka long lyngba ki lad pathai khubor kaba ki paidbah ki ioh ia ka jingtip.

Ki lad pathai khubor ki ai jingtip sha u paidbah ha kaba ia dei bad kato ka jaka ia kaei kaba la jia bad ki paidbah ki ioh ia ka jingtip lyngba ki la pathai khubor. U la ong ba kane ka jingiamir jingmut ka long kaba don kam bha na ka bynta ki lad pathai khubor ban sngewthuh kumno ban ai ia ki jingtip sha ki paidbah lada ki jingshah lynshop ha ka mariang ka wan bad kum juh kumno ban leh ha dien ba la dep ban jia.

Kiwei kiba la kren ha kane ka jingialang ki long ka kong I Mawlong Executive Director, Meghalaya State Disaster Management Authority jong ka sorkar jylla, u bah R. Nongkhlaw, Deputy Director, Directorate jong ka tnad  Information bad Public Relations, jong ka sokar. U  S. Bordoloi, Consultant, SDMA, jong ka sorkar jylla. U Snehasis Sur, u  President, Kolkata Press Club u bah David Laitphlang, President, Shillong Press Club.

 

What Next?

Recent Articles

Leave a Reply

Submit Comment

*