Shillong, Nohprah 29: Mynta ka sngi ki shipai BSF kila ioh ban kem haduh 86 tylli ki masi na ki ar tylli ki jaka, na Tuka bad Hat Thymmai kaba hap hapoh jong ka East Khasi Hills District, ka dor jong kine ki masi kala kot sha ka T.18.7 lak tyngka.
Na ka liang jong ki BSF kila ong ba ka jingdawa masi hapoh jong ka Ri Bangladesh ka long kaba jur bha khamtam haba la poi kane ka snem thymmai. Dei na kane ka daw ba ki nongkhaii masi ki tur iap ban ioh shallan masi sha Bangladesh namar ka dor ka long kaba heh.
Na ka liang jong ki BSF kila trei shitom haduh katta ban khanglad ia ki nongkhaii masi beain sha Bangladesh. Kine ki nongkhaii masi ki khaii ruh bun ki kam beain ha ki khappud bad ka Bangladesh na ka liang jong ki BSF kila kut jingmut ban ia khun pyrshah ia kine ki kam beain.
