Shillong,Naitung 25: Mynta ka sngi ka jingialang paidbah jong ka seng BJP ha West Khasi Hills Mairang ha kaba palat hajar ngut ki paidbah kila ia poi sha kane ka jingialang bad ia kane ka jigialang la ialam da u bah Bah C.S. Wallang .
Kane ka jingialang kaba la long mynta ka sngi ha Mairang kiba la ia poi ym dei tang na ka shong Mairang hynrei ki dei na ki shong ba marjan ruh kila ia poi. Ha kane ka jingialang la don lang ruh kiwei kiweiki party khamtam eh na ka seng Congress.
Ha kane ka jingialang ki heh jong ka BJP kiba la ia poi ki long u Ranjit Majumdar, Coordinator BJP North East. U Dr.N.Momin , BJP MLA na Assam.u Gemes Hanse, General Secretary BJP National ST Morcha. U Bah Shibun Lingdoh , President BJP Meghalaya. U Bah Devid Kharsathi, General Secretary BJP Meghalaya,ha kane ka sngi la don lang ruh u Bah F Marwien President Mairang Mandal Committee.
Ha kane ka jingialang na ka liang jong ka seng BJP kala ong ba ki paidbah kane ka jylla kim tip ei ei ia ka jinglong jong ka seng Congress bad mynta ki paidbah kane ka jylla mynta kila sdang ban sngewthuh namar ba kane ka seng congress kala pynjot ua ka Ri, la kynnoh ka BJP.
Ha kane ka jingialang la kren shai ba bun na ki nongialam jong ka seng Congress bad ki seng riewlum kila sdang ban kylla ia ki uniphom jong ki hynrei ka BJP ka ieng halor ka nongrim ban iada ia ka Ri bad mynta ka BJP kan long na nongda ia kane ka jylla bad ia ki briew jong ka.
