Shillong, Jymmang 12: U Chief Secretary jong ka jylla u M S Rao mynta ka sngi u la pyntip ba ia ki riew tynmen kiba la palat ia ka 60 snem ka rta kim don kam Car Pass haba ki leit don kam, hynrei ki hap ban rah ia ka ID kard kum ka jingpynshisha ia ka rta.
Ha ka jingpynbna bala pynmih mynta ka sngi, u Chief Secretary u la ong ba namar bala bun ki riew tynmen kiba la pynpaw ia ki jingeh jong ki ban ioh ia ka Car Pass ba kin leit don kam ha kaba leit shim dawai bad kiwei ki jingdon kam kyrkieh.
U Chief secretary u la bthah ia baroh ki Deputy Commissioner ha ka jylla ba kin pynmih ia ka jingpynbna ban pynlait ia ki riew tynmen ban ioh ia ka Car Pass bad ia ka Korphiew Pass, hynrei kaba don kam ka long ba ki dei ban rah ia ki ID Kard ban pynshisha ia ka rta jong ki ha ka por ba ki leit jingleit.
