Kiba die madan ha Shillong, lait ka European bad Cantonment ki hap ban register: Paul

Shillong, Naiwieng 08: U Bah paul Lyngdoh Executive Member ba dei peit ia tnad khaii pateng hapoh jong ka KHADC, u la ong ba baroh ki nongdie madan baroh ha Shillong, kiba hap hapoh jong ka Shillong Municipal Board, laitnoh ki jaka kiba hap hapoh jong ka European Ward bad kiba ha Contonment Board kan ktah ia ki.

U bah paul u la ong ba nalor ki jaka kiba hap hapoh jong ka SMB, kiba dei madan ha Mawlai Konstitwensi, Pynthorumkhrah Konstitwensi bad Nongthymmai Konstitwensi ruh ki hap ban register ia baroh kiba die madan.

Haba kren ha ki lad pathai khubor  mynta ka sngi u bah Paul u la ong ba kane ka jingregister kala sdang naduh ka 11 tarik mynta u bnai bad kan kut haduh ka 30 tarik mynta u bnai kiba wan ha dien ka jong katei ka por yn nym lah ban pdiang ia ki aplikoshon phom jong.

U bah paul u la ong ba ka KHADC kan register ia ki nongdie madan, ha ki lai tylli ki kyndon, kaba nyngkong ka jaka ba shong die kan long kaba khuid, kaba ar kan pyntup ia kiba iaid ba ieng bad kaba lai kan nym wit ia ka jingiaid jong ki kali.

Ia ki phom la sam hapoh jong ka KHADC, na ka bynta ki riewlum ia ka phom ki hap ban leit shim na ka “Enforcement Wing” bad ia ki bym dei ki trai jylla ia ka phom kin ioh na ka “Trade Department”. Ia ki jingdon kam ban pynbiang ia ki aplikoshon la batai ha ka phom.

Na ka liang jong u bah Paul u la kyntu ia ki paidbah ba kin ai ka jingiatreilang ha kane ka bynta na ka bynta ka jingbit jingbiang jong ki ba bun blang. Haba ia dei bad kane ka KHADC kan don kam ia ka jingiatreilang ki Food Inspector bad ki Sanitary Inspector jong ka sorkar jylla katba ka KHADC kam pat lah ban buh la ki jong ki.

What Next?

Recent Articles

Leave a Reply

Submit Comment

*