Shillong, Nailar 25: U Director ka tnad ka koit ka khiah u Dr Aman War u la iathuh ba haduh mynta ka sngi ki briew kiba pang Covid -19 ki long 1178 ngut bad mynta ka sngi la test COVID-19 positive 42 ngut.
Na ki 42 ngut kiba la test COVID-19 positive mynta Ka sngi 31 ngut na East Khasi Hills District, 3 ngut na RiBhoi District uwei ha West Jaintia Hills uwei ha North Garo Hills District uwei bad 6 ngut ha West Garo Hills District.
Na kine kiba la test COVID-19 positive ha East Khasi Hills District 31 ngut kynthup ia ki 10 ngut ki kynhun shipai bapher bapher bad 21 ngut ki riew paidbah. Na kine 16 ngut kidei ba ia jan bad u ba shitom ,Uwei u dei u ba don ka jingshitom Influenza Like illness, uwei u dei u ba test naphang ha woodland hospital,bad 2 ngut ki ba test naphang ha NEIGRIHMS hospital bad uwei u ba wan na shabar ka jylla.
Ki lai ngut ha Ri Bhoi kiba la test covid positive uwei u ba don jingpang influenza like illness u wei u dei ba wan phai na shabar ka jylla bad u wei u dei u ba wan ban test ha ka kam ban leit jingleit shabar. Ha West Jaintia udei u ba trei ha MCH Corona care center ha Jowai.
West Garo Hills District 6 ngut ki ba la test covid positive ki long 4 ngut ki High risk contact uwei u dei u ba wan phai na shabar ka jylla bad uwei u dei kynhun shipai,ha North Garo Hills District uwei u dei u High risk contact jong u ba pang COVID-19.
ka jindon ki nongpang ha ka jylla ki long 1178 ngut, ha East Khasi Hills District 797 ngut, ha Ri Bhoi District 94 ngut, ha West Khasi Hills District 43 ngut, ha West Jaintia Hills District 3 ngut, ha East Jaintia Hills District 12 ngut ha East Garo Hills District 3 ngut, ha West Garo Hills District 197 ngut, ha South Garo Hills District 12 ngut, ha North Garo Hills District 13 ngut bad ha South West Garo Hill District 4 ngut.
Baroh kiba la koit haduh mynta ka sngi ki long 832 ngut kynthup ia ki 43 ngut ki ba la koit mynta ka sngi, Ki nongmuna ki ba ladep ban phah test ki long 76762 tylli ki ba long negative ki long 74,293 tylli bad ki result ki ba dang ap ki long 451 tylli. Ki briew ki ba la khlad na ka jingpang Covid ki long 8 ngut .
