Shillong, Lber 23: Ki ar tylli ki party kiba ia don lang ha ka sorkar MDA, ka NPP bad ka UDP kila kiew ha ka jingjop ha kane ka elekshon MLA 2023, ka NPP kaba la jop tang 19 ngut ha u snem 2018 mynta kala jop 26 ngut, katba ka UDP kaba la jop 8 ngut mynta kala jop 11 ngut.
Ki party kiba don lang ha ka sorkar MDA kiba sah had juh dei ka BJP kaba la jop tang ar ngut ha u 2018 bad mynta ka kynti ruh kila jop tang ar ngut, u bah Sanbor Shullai bad u bah Alexander Hek.
Katba ka PDF kaba la jop saw ngut ki MLA mynta ka kynti kala jop tang 2 ngut u bah Banteidor Lyngdoh bad bah Gavin M Mylliem katba ngut kila mih noh bad kila shah rem, ka party HSPDP kaba don ar ngut ki MLA ha ka sorkar mynta ruh kala jop tang ar ngut.
