Shillong, Naitung 05: Ka seng Shooting Association of Meghalaya ka la pynlong ka jingialang ban kitbok kitrwiang ia ki 28 ngut ki dkhot nongiasiat jong ka SAM kiba mih khmat na ka bynta ka Meghalaya sha ka 6th NEZSC kaban long ha Aizwal jong ka jylla Mizoram.
Katei 6th North East Zone Shooting Championship, (NEZSC) kaban long ha Aizawl, Mizoram, kan long naduh ka 6 tarik Naitung haduh ka 13tarik Naitung 2018, bad ki nongsiat na ka jylla Meghalaya ki ia khun ha ka kynhun kaba 10mtr airpistol bad 10mtr AirRifle jong ki shynrang bad kynthei kaba dei na samla bad ki khynnah. ka 25Mtr Standard iaki rangbah, ka 25mtr sports pistol iaki kynthei bad ki khynnah kynthei ; 25mtr Center-Fire iaki rangbah ; 50mtr open site prone kan long lang ia baroh kynthei bad shynrang bad 50mtr peep site prone kane kan long ia ki rangbah bad kynthei.
U President, ka seng Shooting Association jog ka jylla Meghalaya, u Bah John F Kharshiing, U Bah Neil Sootinck, General Secy, SAM, u Pa Davis N R Marak, President, Meghalaya Police Shooting Club, u Bah O.T Shangpliang, President, Meghalaya Civil Defence and Home Guards Shooting club, ki la pynpaw ia ka jingkmen ia jingkiew ki nongiasiat jong ka Association bad ki la pynpaw ia ka jinghun ba ki nongiasiat ki la nang ia kiew ha ka kyrdan ban ioh ia shim bynta ha ka 6th North East Zonal Shooting Championships.
Ha ka jingkren u Bah John F Kharshiing, President, SAM, u la ong ba wat hapdeng ka jingbymdon ka jaka iasiat la ka jong u sngewskhem ba ka Sorkar kan sa thaw ka lad ka lynti ban ioh ia la ka jong ka jaka pracitce bad ka jaka ia siat (indoor range bad outdoor longrange ) lyngba ka Meghalaya National Games 2022,
U President, SAM, u la pyntip ha katei ka jingialang ba ka SAM ka la sdang wad lynti lyngba ka jingiakren bad ki strategic experts ban ai jingmut kumno ban pynjanai ia ki rukom treikam ban khring ia ka ki sponsorship namar ka jingrem dor ki tiar iasiat bad ban ioh kyrkieh ia la ka jong ka jaka practice iasiat. Ki nongialam ki nongkren ki la kitbok bad kitrwiang ia ki nongiasiat ka jylla Meghalaya bad la kyntu ia ki ban leh shitom ban wanrah ia ki takma jop na ka bynta ka burom jong ka jylla.
Ki nongialam jong ka SAM ki la ai khublei ia ka Meghalaya Police Shooting Club, bad u Commandant Assam Regimental Center kiba la ai lad ia ki nongiasiat ban practice ban pynkhreh ialade ha kitei ki jaka iasiat.
Kiwei kiwei ki nongialam jong ka SAM kiba la ia don lang ki long u Bah D S Tariang, Treasurer, SAM, u Bah Nicholas J Nongkhlaw, Publicity Secretary ,SAM, u Bah Jeffrey Suting, Secretary, SAM. ha katei ka jingialang la ioh ruh ia ka jingshim smai na ka Ms Anjeli Singh (SAM SHOOTER) kaba la pule bad shim ka jingkular (PLEDGE) ban ialeh hok da ka jingkhuid ka jingshida ha ryngkat ka jingkiar ban nym kta ia ki jingdih kiba wanrah ia ka jingktah ia ka burom jong ka SAM.
