Kren u Conrad, u Bah Prestone ia ki MDC ka NPP ba kin wan phai biang sha ka UDA

Shillong, Jymmang 02: U President jong ka NPP state Unit u Dr W. R Kharlukhi u la iathuh ba, u myntri rangbah ka jylla u Conrad K Sangma bad u myntri symbut rangbah u Bah Prestone Tynsong kila kren ia u MDC jong ka NPP ba kin wqan phai biang sha ka kynhun UDA.

Haba kren ha u SP News Agency u Dr Kharlukhi, u la ong na ka liang u myntri rangbah u Cornad bad u Bah Prestone myntri symbut rangbah ka jylla kila kren ia ki MDC jong ka party mynta ka sngi bad ia kaei kaba ki rai haduh mynta ym pat lah ban ong, hynrei u kyrmen skhem ba kin wan phai biang sha ka kynhun UDA.

Ki MDC jong ka NPP kiba la leh phailian ki long u Bah Gigur Myrtong bad Bah Victor Ranee bad u Bah Mitchel Wankhar, kine ki long ki MDC kiba la ai da ka jingthoh ba kila weng ia lade na ka kynhun UDA.

Na kawei pat ka liang namar ka jingialang jong ka UDP kaba la longmynin ka sngi kam shym la lah ban shim ia kano kano ka rai, la ong ba kin ia kynduh biang mynta ka sngi ban ia kren halor kane ka jingjia ka sian pyrthei hapoh jong ka KHADC.

What Next?

Recent Articles

Leave a Reply

Submit Comment

*