kren u Dr Mukul ia u myntri rangbah ka Assam u Sonowal halor ka jingeh ki samla pule MBBS

Dr Mukul address the media.Shillong, Nailur  04: U myntri rangbah ka jylla u Dr Mukul Sangma mynta ka sngi u la ia kren bad u myntri rangbah ka jylla Assam u Sonowal halor ka jingeh kaba ki samla pule MBBS ki iakynduh ha ki jaka pule doctor ha katei ka jylla.

Na ka liang jong u myntri rangbah ha ka juh ka por u la bethah ia u Chief Secretary jong kajylla ba un leit ban thied ia ka jingkhang jong ka iing bishar ba ha khliehduh jong ka Ri India ka Supreme Court ba kan tuklar lem ia kane ka kam.

Ha ka jingiakren bad u myntri rangbah ka jylla Assam, na ka liang  jong u Sonowal u la kular ia u myntri rangbah ka jylla u Dr Mukul Sangma ba un sa ia kren bad u principal secretary ba dei peit ia ka tnad ka koit ka khiah ban ia pynbeit ia kane ka jingeh khang ba ki samla pule kin nym thud ka jingpule ka jong ki.

Na ka liang jong u Dr Mukul u la ong ia u myntri rangbah ka jylla Assam ba u Chief Secretary jong ka jylla Meghalaya kum juh u Additional  Chief Secretary kila ia kren ia kane ka kam bad u Chief Secretary jong ka jylla Assam ban ia pynbeit ia kane ka jingeh. Ha ka juh ka por na ka liang jong ka sorkar Meghalaya kan wad ia ki lad ki lynti katkum ka ain haba ia dei bad kane ka kam pule MBBS.

 

What Next?

Recent Articles

Leave a Reply

Submit Comment
*