Shillong, Nohprah 15: Ka Meghalaya Energy Corporation Limited hynne Ka sngi Ka la Kular ha khmat ka KSU bad ki Nongialam Shnong jongka Shnong Photeitsim ban pynbiang shwa da ki solar light ha shwa ban sanction noh da Ka bording electrict na Ka bynta Ki paitbah Kane Ka shnong. Kane Ka long haka jingiakynduh mynta ka sngi ha ophis treikam jong ka MeECL ha Shillong.
Ia kane kynhun jong ka KSU Ranikor Circle la ialam da u Samla Marconi Thongni President Ranikor Circle haka jingiadon ryngkat Lang jong u Samla Forwardman Nongrem, President , KSU South West Khasi Hills District bad Ki Nongialam shnong jongka shnong Photeitsim.
Ia kane ka shnong la ithuh shnong daka Hima Maharam bad ka KHADC ha u snem 1996 bad Ka la rung ruh ha Ka khana samari naduh u snem 2000-01 bad mynta Ka la don palat iaka 30 ing hynrei da Ka jingleh shiliang khmat bad bym patiaw jong ki nongmihkhmat u MLA u MM Dango bad u MDC u bah M. Nongrem Kane Ka shnong Ka la Shah ieh khunswet haduh mynta.
Dei tad haduh ba la leit tur man Ka por da Ka seng Ka MeECL Ka la ai iaka jingkular ban wanrah shwa da ki solar ha baroh Ki longing Jong kane Ka shnong hashwa u bnai Rymphang bad ruh ban ring bording noh ha Kane Ka shnong kloi katba lah. Na Ka liang jongka seng kan iai bud dien khnang ban pynthikna ba ki paitbah kin nym shong sah ha badum. Kane Ka dei Ka kyrwoh na u samla Marconi Thongni, President, KSU Ranikor Circle
