Shillong, Nailar 05: Ka kynhun jong ka Garo Hills State Movement Committee kiba don mynta hapoh jong ka Nongbah New Delhi ban pynsngew sha ki bor jong ka sorkar pdeng ha kaba ia dei bad ka jingdawa jong ki ban ioh la ka jong ka Garo Land kila ia kynduh ia u myntri kam poh iing u Rajnath Singh ha kaba kane ka kynhun kala ai ia ka dorkhas.
U Nikman Marak, u la pyntip ba ha kane ka jingiakynduh bad u myntri kam poh iing jong ka sorkar pdeng u Rajnath Singh, ha ka jingiakren u la ai ka jingkular ba ia kane ka jingdawa Garoland ka jong ki kin sa ia kren hapoh jong ka Cabinet.
Kane ka kynhun jong ka GHSMC kaba dang don mynta hapoh jong ka Nongbah Delhi kila dep ia kynduh ia u myntri khynnah kam poh iing u Kiren Rijiju bad mynta ki dang ap sa ban ia kynduh ia u myntri khynnah ba dei ha ophis jong u myntri rangbah duh jong ka Ri U Dr Jitendra Singh u ba deiruh u myntri ba dei peit ia ka DoNER.
