Kum u nongialam ka jylla u Conrad haba u kren dei ban da puson ong ka nongialam Cong

Shillong Rymphang 01: Ka nongialam ka Congress ka Bobeeta Sharma mynta ka sngi ka la ther ia ka jingkren jong u Myntri Rangbah ka jylla Meghalaya u Conrad Sangma halor ka jingkam ba ha kine ki 45 snem ka jylla Meghalaya kam don ia ka roi ka par ne ka ioh ka kot ha kane ka jylla.

Katei ka nongialam ka Congress kala ong ba ka kwah ban kylli ia u Myntri Rangbah ka jylla Meghalaya u Conrad Sangma ba ha kitei ki 45 snem u kpa jong u , u Purno A Sangma bam kwai ha dwar u Blei uba dei u nongialam ka Congress bad u dei ruh u MP ha ki snem 1970 bad I980.

Katei ka nongialam ka seng ka ong hato ha kine ki snem, u mut ban ong ba u kpa jong u, u khlem leh eiei na bynta ka jylla Meghalaya, kala kylli kylla ka Bobeeta Sharma bad kala  ong ba u Conrad Sangma ba lada u kwah ban kren eiei, udei ban da kren da puson bha namar ba mynta udei u nongialam jong ka jylla kaba la ioh pdiang ia ka jylla ba pura kaba ladep ban pyun urlong da ka Congress.

Kane ka nongialam ka Congress hab kren sha ki lad pathai khubor, ka la ong ba u Conrad Sangma u la ioh ia ka lad ban shakri ia ki paidbah ka jylla namar ka Congress Party. Hynrei kaei kaba u la leh mynta haba u la iohlad ban shakri ia ki paidbah ka jylla, u la pynleit jingmut pynban ha ki kam bamsap bad ngi iohi kumno u ai ka jingiada ia ki briew kiba bamsap,” la kynthoh ka Bobeeta Sharma.

La bynrap ba wat ia u Engineer uba dei ban shim ia ka jingkitkhlieh halor ka jingkhyllem jong u Dome ka Iing Dorbar Thawain ka jylla Meghalaya, u Conrad u la ai tiket pynban ia u ban iakhun ha ka ilekshon. Kane ka pyni ba ha ka jingshisha  ban pynshitom ia u , ka sorkar MDA ka ai burom pynban ia u bad kane ka sakhi ba ka ieng na bynta ki briew kiba bamsap kala kynnoh.

Shuh shuh kane ka nongialam ka Congress ka la ong ba ka ka sorkar MDA ba ialam  da ka  NPP ka shim ka jingiarap na ka  BJP tang na bynta ban iada ia ki kam bamsap. Balei ka kong Ampreen Lyngdoh ka iasoh bad ka NPP, dei tang namar ba mynta ka dang don hapoh ka jingbishar bniah da ka CBI kane ka pyni shai ba ka  NPP kaba ialam ia ka sorkar MDA ka ai ka jingiada tang ia ki briew kiba bamsap kala kynnoh biang.

Ha kajuh ka por ka la ong ba u Dr Mukul Sangma u la shim ia ka lad kaba bakla namar ba u iehnoh ia ka Congress da kaba iasoh sha ka  Trinamool Congress Party. Kala  kwah ban pynkynmaw ba u Purno Sangma mynshwa u la iasoh bad ka  Trinamool Congress hyneri um shym la neh slem namar ba ki paidbah ka jylla Meghalaya kim lah ban pdiang ia kane ka party kaba nabar.

La ong, Kumba ia ka party BJP la khein ba kadei ka party ba nabar, ka TMC ruh ki paidbah ki khein ba kadei ka party ba nabar. Ka TMC bad ka BJP ki la noh synniang aiu na bynta kane ka jylla Meghalaya. Ki kam jong kine ki party ka long tang ban pynbudnam ia ka jylla Meghalaya.

 

 

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet