New Delhi, Nohprah 10: Ka burom ka leit 
sha ka tnad “Directorate of Revenue Intelligence” (DRI), ka kynhun syntiat jong ka sorkar pdeng, ha dien ba kala ioh jingtip kala leit ban khynra ia ka ophis kaba don ha Bharuch hapoh jong ka jylla Gujarat bad ha kane ka jingleit khynra kila ioh ban kurup haduh T. 48.91 klur kaba pisa rim kaba la buh rieh, ki lut san psah bad ki lut shihajar.
Na ka liang jong ka ophis jong ka DRI kaba don ha Surat ryngkat ka jingiatreilang bad ki ophisar jong ka CGST Vadodara-II, kila leit ban khynra ia ka ophis jong ka kompeny M/s Yamuna Building Material, GIDC Panoli, Bharuch bad ka pisa kaba kila ioh ban kurup ia kiba la thep ha ki pla ka long T. 48,90,96,000/- ia kane ka jingkhynra kila lah ban pyndep ha ki ar sngi ka 8 bad 9 tarik Nohprah.
Katkum ka kyndon kaba hynniew jong ka ain “The Specified Bank Notes (Cessation of Liabilities) Act, 2017, bad lada don mano mano ba pynkhein ia ka kyndon kaba san jong kane ka ain kin ngat ha ka kumna kaba la kot sha ka T.10,000/- tyngka lane ban pynkiew san shah na kaba la ioh kem ka shong katkum ka jingbun ka pisa.
Ha kane ka jingioh kurup ka DRI ka pisa ka long T.49 klur bad la shah dain kuna san shah la antad ba ka kuna kan long haduh T.245 klur, ka jingthoh kit kan dang iaid halor ki kyrteng kiba la paw ha kane ka jingioh kurup ia kane ka pisa kumba ka long ki don lai ngut ki kyrteng ha kaba ka jingthoh kit kala iaid sha khmat.
