Shillong, Nailar 29: Ki pulit jong ka Sub-Divisional Chokpot kaba hap hapoh jong ka South Garo Hills District kila ioh ia ka jingtip ba don ka synduk hapoh khlaw bad mar ia ioh kane ka jingtip ki pulit kila leit sha ka jaka ba don ka synduk.
Kane ka jaka ba don kane ka synduk ka dei ha ka jaka kaba la tip kum ka Chibokgre Aking kaba hap hapoh jong ka Chokpot Police Station bad ha ka miet 26 bad 27 tarik mynta u bnai ki pulit kila pynlong ia ka jingwad ia kane ka jaka bad kila lap ia kane ka synduk.
Haba la lap ia kane ka synduk na ka liang jong ki pulit kila plie ia ka bad na kane ka synduk kaba la lap na khlaw jong ka Chibokgre la don ki kuli kiba khlem pat ptndon kam ia kiba la tip kum ki “Large-Calibre”.
Haba ki pulit kila sei na ki synduk la shem ba ki don haduh 85 tylli kine ki kuli bad ki pulit ki suba ba ia kine ki kuli la ienoh ha katei ka jaka da ki kynhun lehnoh bad kadon ka jingsuba kaba jur ba kine ki kuli kilah ban dei jong ka seng lehnoh GNLA, la ong ki pulit.
