Shillong, Rymphang 08: Ki shipai BSF kiba don ha East Jaintia Hills District ha kahppud bad ka Bangladesh kila ioh ban kurup ka pisa thok da ka lut sanspah tyngka bad ka pisa kaba la ioh ban kurup ka long T.55,000/- tyngka.
Ki shipai BSF ha ka 7/2/2023 kila iohi ba ki don ki briew kiba kiew na Bangladesh sha India bad haba ki shipai BSF kila kthong, kila phet sha Bangladesh da kaba shim kabu ia ka jingdum jong ka miet bad ha kane ka jingiaphet kila pynhap kawei ka pla.
Haba ki shipai BSF kila tam ia kane ka pla bad plied ia ka la shem ba ka don ka pisa kot san spah 105 tylli bad kane ka pisa ka dei ka pisa thok kiba dei da la lut T.500 tyngka, ki BSF kila ujor da ka ejahar hapoh ka Umkiang Police Station bad ia ka pisa ruh la ai sha ki pulit.
