Shillong, Nailar 28: Ka Seng Samla Shnong Mawklot, Upper Shillong kum shibynta ban pynjanai bad ban pynkhlain shuh shuh ia ka rukom treikam jong ka Seng ha ka 27th August 2016 Ka Seng Samla ka la pynlong ia ka General Meeting ha Office Treikam jong ka Dorbar Shnong Mawklot ban jied pyn thymmai noh ia ki Nongkitkam na ka bynta ka samoi treikam jong u snem 2016-19. Ha katei ka jingialang la wan ban ia shim bynta shit rhem da kiba bun ki khun samla jong ka Shnong Mawklot.
Ka jing ia jied ia ki Nongkitkam kiba thymmai jong ka Seng Samla Shnong Mawklot ka long kaba iaid beit iaid ryntih ha kaba la pyn iaid ia katei ka jing jied da u Samla Hamletborn Lyngdoh, Ex. Vice President jong ka Seng Samla.
Ki Nongkitkam jong ka SSSM naka bynta ka samoi treikam 2016-19 ki long,President bah Kitboklang Nongphlang, Vice-President bah Liver Son Kharbudnah, General Secretary bah Jonah J Kharir bad nalor jong kine la jied ruh sa hynriew ngut ki nongkit kam hapoh jong ka seng bad khat hynniew ngut ki dkhot jong ka Executive Committee ia kaba la jied na ki Dong bad ki Kyntoit bapher bapher jong ka Shnong Mawklot.
Haba kren ai khublei hadien ba la dep pynskhem ia ki Nongkitkam kiba thymmai ha katei ka sngi na ka liang jong u Samla Kitboklang Nongphlang u la ai khublei kyrpang ia baroh ki khun samla jong ka Shnong kiba la shaniah ha u ban kit ia ka lyngkor kum u President na ka bynta ka samoi treikam 2016-19, u la ong ba kum ki Nongialam jong ka Seng Samla ngi don ka jing thrang bad ka jing nangnud ban pynurlong ia ki kyntien phira jong ka Seng Samla “Ban Ïatylli bad Ïai shakri”.
Na ka liang jong u president u la wer bad kyntu ia kiwei pat ki khun Samla Shynrang bad Kynthei jong ka Shnong ki bym pat pyniasoh satia ialade bad ka Seng Samla ba kin ai lem ia ka kti ka mon ka kti ka diang ban long ki Nongbah Tympha ban ia kit lem ia kane ka lyngkor ban shari ia ka Shnong lyngba jong ka Seng Samla bad u la pynbna ruh ba shen ka Seng Samla kan sa pynlong ruh ia ka Enrolment Drive ban pynrung Dkhot shuh shuh ia ki khun samla na ki Dong bad ki Kyntoit bapher bapher jong ka Shnong Mawklot. Kane ka long kat kum ka kyrwoh kaba la phah da u Bah Baniakitlang Lyngdoh Publicity Secretary ka SSSM.
