Shillong, Lber 12: Mynta ka sngi u myntri rangbah ka jylla u Conrad K Sangma bad u bah Prestone Tynsong symbut myntri rangbah ka jylla mynta ka sngi kila leit ban ai kynduh ia u symbut president ka Ri India u Jagdeep Dhankar ha nongbah Delhi ban ai khublie ia u.
U Myntri Rangbah ka jylla u Conrad K Sangma bad u symbut myntri rangbah bah Prestone Tynsong ha ka jingleit jong ki sha Delhi, kila ia kynduh ia ka President ka Ri India ka Droupadi Murmu ha ka sngi saitjian.
Ka jingiakynduh ka long ruh ia ka myntri pla pisa jong ka Ri India ka Nirmala Sitharaman bad ha kane ka jingiakynduh na ka liang jong u myntri rangbah ka jylla ryngkat u symbut myntri rangbah ki khmih lynti ba kin ioh ia ka jingiatreilang na ka sorkar pdeng bad kane ka sorkar MDA-2 na ka bynta ka roi ka par jong ka jylla Meghalaya.
Kane ka jingleit jong u myntri rangbah ka jylla bad u symbut myntri rangbah ka jylla ban ia kynduh ia ka president, ka myntri pla pisa ka Ri India bad mynta ka sngi u symbut president ka Ri India ka long ban leit ai khublei ba kila wan biang ha ka sorkar ha Meghalaya.
