Mawkyrwat, Nailar 25: Ki lai ngut shipara naka Shnong Domjyrti, South West Khasi Hills District ki la shah kyntait haki bor Shnong jongka Shnong Domjyrti , ha ki nongialam ka VEC bad ha u nongsam khaw ban ai khaw rashon bad ban phah trei iaki jingtrei 100 sngi ( NREGS ) hapoh shnong tang naka daw ba ka don ka jingiakajia thied khyndew hapoh shnong.
Haba kren haka jingiakynduh bad ki nongthohkhubor ha Mawkyrwat naka liang jong ka Kong Entinoris Nongsiej i la iathuh ba ma i bad i hynmen jong ka Stera Nongsiej ki la shah khang ban wan shim ia u khaw rashon na u nongsam khaw ba dei ban sam hapoh shnong mynta u bnai bad haba ki la pyrshang ban leit iakynduh la ong ba um lah ban ai na ka daw ba u shah khang pyrshah ha u Myntri bad Secretary shnong.
Naka liang jong ka Kong Prostarlin Nongsiej pat kala iathuh ba ki nongialam shnong ba kim shym la kren shai haka la kin kyntait Shnong ne kumno hynrei ki la kren shai pat ba kin nym lah ban ai NOC ne kynja Certificate Shnong ia ka.
Naka liang jong u samla Pauldeep Tongwah, President KSU Mawkyrwat Circle u la ong ba ka Seng mynta ka sngi 25/08/2020 lem bad kine ki longkmie ki la leit ban iakynduh ia i Kong Isawanda Laloo Deputy Commissioner South West Khasi Hills District halor kane ka bynta ban kyntu ba ka dei ban tuklar mardor halor kane ka mat .
Ha kajuh ka por ruh u la iathuh ba naka liang jongka Seng ka la pyrshang ban iakren iasngewthuh bad ka Shnong Domjyrti hynrei kim shym la pynsngap satia.
Ha ka jingshisha lada ki don kino kino ki kam dei ban ia pynbeit da kawei ka lynti hynrei ym ban khanglad ia kino kino ki nongshongshnong na ka ba ki dei ban ioh iaki kam khaw rashon , ki jingtrei NREGS bad kiwei kiwei ki jingmyntoi ba ki dei ban ioh naka sorkar.
Ka Seng ka kyntu iaka Ophis C&RD Block , ia u Inspector of Supply , ia u Project Director jongka DRDA bad iaki bor district ba ki dei ban tuklar bad pynshitom ruh katkum ka ain ia kino kino kiba pyrshang ban pynduh iaki jingmyntoi ba dei ban ioh naka sorkar tang na kino kino ki daw bym ia beit ha Shnong ha thaw.Kane ka dei ka kyrwoh bala phah da u samla Pauldeep Tongwah President KSU Mawkyrwat Circle.
