Kynnoh ka KSU,ki shipai BSF kila pom ia ki diengkwai ban shna jingkieng ha wah Phlangkaruh

IMG-20180115-WA0035Shillong, Kyllalyngkot 16: Ka KSU ka pynrem jur iaka jingleh riewkhlaw ki shipai Border Security Force ( BSF)  da kaba kila pom pathar ia ki dieng kwai ha Ki bri kwai jongki nongshong shnong Nongtrai ban ioh shna jingkieng ban jam sha shilliang ka wah Phlangkaruh ban leit duty.

Kane Ka jingleh riewkhlaw jonngki Shipai khappud la lap da Ki nongshong shnong kane ka thain bad da Ki bun tylli ki dieng ba la pynheh pynsan da Ki snem Ki la Shu Shah pynjulor ha kine Ki shipai iada khappud. Ym tang katta , ka KSU kala kynnoyh ba ki BSF ruh Ki la ialam da Ki khar Bangla ban leh ia kine Ki kam Kiba long pyrshah iaki trai jaka trai muluk.

Shuh shuh Ka seng Ka pynrem jur namar Ki BSF ha Kane ka thain ki la long Ka daw Jong Ka jinglaitlan Jong Ki khar Bangla ban rung ban mih katba mon ha Ka ban pynjot iaki bri kwai jongki paitbah khappud. Ki shipai Kiba iada khappud ha Kane Ka thain ki kylla long Ki nongiada iaki bar ri ba kin ioh rung bad leh katba mon.

Ha kawei pat Ka liang Ka KSU South West Khasi Hills District Lyngba Ka kyrwoh ba la phah da une u Samla Ka pynrem jur iaki bor District jongka South West Khasi Hills District halor Ka jinglong kuman iaka jingaipor bad jingdawa jongka seng ban weng noh ia baroh Ki jingpyrshang Jong ka office DC ban wad jaka ha Ka ban buh iaka ktem shipai  ha Mawkyrwat , South West Khasi Hills District.

Na Ka liang Ka seng , ka dap da Ka jingsngewkhia halor Kane ka jingsngap jar jongka DC South West Khasi Hills watla Ka jingaipor jongngi Ka lah kut. Kum Ka seng , ngi kyntu iaki trai khyndew ba Ki dei ban kiar na kaba ai jaka iaki shipai iada khappud ban buh iaka Battalion Headquarter hapoh ka thain.

Ka seng kumba Ka jingai por jongngi kala kut namar kata shen ngin sa shim noh daki rai ba tyngeh ha kane ka taiew halor kane ka phang bad ban pynkhreh noh da Ki sienjam ba tyngeh pyrshah iaka jingkuman jongki bor District iaka jingdawa Jong Ka Seng bad jongki paitbah Ka thain.

Ka KSU ka kyntu ia baroh Ki dkhot bad Ki paitbah ka District ba ngin long Kiba la pynkhreh ban mih madan Namar Ka seng Ka la long ba la pynkhreh ban iakhun da kano kano Ka lynti ban pynthikna ba Kane ka Battalion Headquarter kan nym urlong hapoh jongka South West Khasi Hills District.  La ong u Samla Wanbok Reenborne, Executive Member KSU South West Khasi Hills District.

What Next?

Recent Articles

Leave a Reply

Submit Comment

*