Shillong, Jymmang 13: Ka KSU jong ka South East Khasi Hills District ha dien ba la don ba pyntip ba ki don ki trok dumper kiba kit briew na ka liang jong ka seng kala beh bad la ioh ba bat ia ki trok ha Sohra Rim bad haba ha phah ban kylli ia ki tarpal la lap ba ki don ki nongtrei bylla jong ki Dhar.
U Bah Reebok Diengdoh President jong ka KSU South East Khasi Hills District haba ka seng kala ioh ban bat kila pyntip sha u OC bad u SDPO jong ka Sohra bad kine ruh kila wan tohkit ia kine ki briew.
Ha kane ka jingtohkit la shem ba ki dei ki nongtrei jong ki Dhar bad kila ioh ia ka pass ba kin leit ban phai sha la ki shnong bad ki kali ban kit ki ioh ia ka pass jong ka Jaintia Hills District.
Na ka liang jong ka KSU kam don ei ei ban ong ia kine kiba leit phai hynrei ka jingkylli ka long ba balie ki khlem pyntip sha ki bor pulit bad sha u SDO jong ka Sohra Civil Sub Division ha kaba ka sorkar ka dei ban leit buh ia ki ha ka rukom kaba biang balei ban shu kit ha ki trok.
Na ka liang jong ka KSU kala kyntu ia ki bor pulit jong ka Sohra Civil Sub Division ba ia kine kiba la leit phai kim dei shuh ban dang shah ban wan phai ha kane ka por ba mynta bad kala kyntu ba ki pulit ki dei ban da peit bha ia ki kali ba rung ba mih.
