Shillong, Kyllalyngkot 09: Ka Mawhati Constituency People’s Committee (MCPC) kala kyntu ia ka iing bishar ban pynsted ia ka jingbihsar ia u MLA jong ki u Bah Julius uba la shah kem khnang ba ki paidbah kin ioh pyndep ia ki jingdon kam namar khlem u MLA ka buh ia ki ha ka jingeh kaba khraw.
U Bah M Mangu working president jong ka MCPC, u la ong ba kum ki nongkyrshan jong u MLA ki kwah ban ka iing bishar kan pynkloi ia ka jingbihsar khnang ba ki paidbah kin suk a ka jingiadon kam ka jong ki kaba man ka sngi.
Lad aka iing bishar ka lap ba u MLA jong u u khlem don kti ha kita ki jingkynnoh ruh, ka iing bishar kan pynsted ia ka jingbihsar bad lada u la leh shisha ia kita ki kam jaboh kiba la pynkhlem rain ruh ai ka ain kam pynshitom ia u.
Kaei kaba ki paidbah ki don kam ka long ba khlem u MLA kala buh ia ki paidbah ha ka jingeh kaba khraw ha ki jingiadei kam kiba man ka sngi. Ha ka juhka por la ong ba lada ka dei tang ka jingpynkhlemrain ia u MLA baroh kito kiba la kynnoh dei ban pynshitom ia ki.
U Bah M Jurwa u wei na kiba la ia don lang ha kane ka jingiakren bad ki nongthoh khubor ha Shillong Press Club, u la ong ba lada ka iing bishar ka lap ba u MLA jong ki u la leh shisha ia kane ka kam kumba la kynnoh dei ban pynshitom ia u bad kum ki paidbah ka Mawhati kin nym kyrshan shuh ia u.
Bah Julius te lah balat ….lh shna scheme thied kynthei liah…n Kato kynnah kynthei Rh ba dkait Dei ban pynshitom..
Lah sngew thamula shisha ha ka mnta te …tng ha une snem thymmai Rh ka khubor Leh beijot ka lah kiew kumba ym don ain shuh….Lah Dei ban pyrkhing bha Ki ain ban pynduna ia Ki line Ki kam