La jia aiu ia ka jingkieng ha wah Shella ban pyniasoh sha ki thain Mawsynram?

Shillong, Risaw 05: Ban pyniasoh ia ka Shella bad ka thain Madon ka sorkar kala pynlut pisa kumba saw klur ban shna ia ka jingkieng halor ka wah Shella ha kine 2015-16, hynrei ia kane ka jingkieng kaba la sdang ban shna ha kaba la pynieng ia ki paia la ratnoh da ka um bad kane kala shu shah mynta kumto.

Ki paidbah ka tei ka thain mynta ki buh ka jingkylli kaei kaba la jia ia kane ka jingkieng kaba ki paidbah kila angnud, ka jingylli ka long haduh ka sorkar kan pyndam noh ia kane ka skhim shna jingkieng halor kane ka wan Shella ban pyniasoh ia ka thain Madan bad ka Shella ne kan beteng biang ia kane ka jingkieng.

Kumba ka long mynta ki paidbah katei ka thain na Shella sha ba ki wan sha shilliang ki wan lyngba ka jingkieng iaid kjat, bad kumjuh ia ki briew kiba na Shilliang. Ki paidbah ki kwah ban don noh ia kane ka jingkieng namar ka long kaba don kam haduh katta katta ha kaba ia dei bad ka kit ka bah ban ia leit iew leit hat kum ha Iew Shella bad Iew Madon.

Ha ka juh ka por ka long kaba don kam ha kaba ia dei bad ka jingai jingiada ia ka Ri namar ka dei ha khappud bad ka Bangladesh. Ki shipai BSF ki shem jingeh ban leit na shilliang sha shilliang namar kam don ka jingkieng halor katei ka wah.

What Next?

Recent Articles

Leave a Reply

Submit Comment

*