Shillong, Jymmang 27: Ka tnad kam poh iing ka sorkar Meghalaya kala pynmih ia ka jingpynbna sorkar bala thaw ia ka kommittee ban peit bniah kyrpang ia ka Reservation Roster bad ka myntri ka tnad ka koit ka khiah ka Dr. Ampareen Lyngdoh kum ka shongknor.
Ki dkhot jong ka kommittee la shim ba baroh ki seng sain pyrthei, U Zenith M Sangma na ka AITC, bah HM Shangpliang na ka BJP, u Augustine D Marak GNC, bah Medhodius Dkhar HSPDP, bah Ronnie V Lyngdoh, INC, bah Pyndapborthiaw Saibon na ka KHNAM.
Bah Renikton L Tongkhar UDP, bah Ardent M Basaiawmoit VPP, Chief secretary ka jylla Meghalaya kum ki kdhot ka kommittee bad Commissioner bad Secretary , Secretary Personal bad A,R (B) department un long secretary ka kommittee.
Ki kyndon jong kane ka kommittee ka long ban peit bniah ia ka jing pyntrei kam ia ka Reservation Roster bad ia ka kaiphot ka kommittee kan pynpoi sha ka sorkar hapoh ka 15 sngi naduh bala pynmih ia ka jingpynbna sorkar, la ai bor ruh ia ka kommittee ba kan thung shuh ia ki dkhot lada don kam.
