La pynkut mynta ka sngi ia ka dorbar Lyiur, 2022 jong ka iing dorbar thawain Parliament

Shillong, Nailar 08: Ka dorbar Lyiur, 2022 jong ka iing dorbar thawain Parliament kaba la sdang ha ka sngi nyngkong, ka 18 tarik u Naitung, 2022 ka la kut khlem da buh sngi shuh ban iakren ia ki kam ha ka sngi nyngkong ka 8 tarik u Nailar, 2022. Kane ka dorbar ka la don 16 tylli ki jingiatai ha ki 22 sngi.

Ia kane ka dorbar, kaba dei ban don 18 tylli ki sngi iatai naduh ka 18 tarik u Naitung haduh ka 12 tarik u Nailar, la pynkut namar ka jingpyndep ia ki kam ba kongsan jong ka Sorkar bad ka jingdawa jong ki dkhot namar ki artylli ki sngi shuti ki ban wan.

Ha kane ka dorbar, la wanrah 6 tylli ki Bill ha LokSabha. La pyllait 7 tylli ki Bill da ka LokSabha bad 5 tylli ki Bill ki dei kiba la pyllait da ka RajyaSabha. La bat shuwaia kawei ka Bill. Baroh ki Bill ba la pyllait da ki artylli ki iing dorbar thawain ka Parliament ha kane ka dorbar ki long 5 tylli. Katto katne ki bill ba kham heh ba la pyllait da baroh artylli ki iing dorbar thawain ha kane ka dorbar ki long kumneharum:

The Family Courts (Amendment) Bill, 2022 kaba thmu ban pynkylla ia ka ain kmie ban plié lad ia ka jingwanrah ia ki Family Court ha ka jylla Himachal Pradesh naduh ka 15 tarik u Rymphang, 2019 bad ha ka jylla Nagaland naduh ka 12 tarik u Nailur, 2008; bad ban thep ia ka section 3A ba thymmai ban pynskhem ia baroh ki sienjam hapoh ka ain kmie da ki Sorkar jylla Himachal Pradesh bad Nagaland.

The Weapons of Mass Destruction and their Delivery Systems (Prohibition of Unlawful Activities) Amendment Bill, 2022, ka thmu ban — (a) tehlakam ia ka jingbei tyngka ia kanokano ka kam kaba iadei bad ki tiar ialeh kiba lah ban pynjulor kham bun bad ki rukom pyndonkam ia kine; (b) ai bor ia ka Sorkar Pdeng ba kan – (i) pynsangeh, kurup lane bat ia ki pisa ne ki jingdon jingem lane ki lad pynmih pisa ban iada na kum kane ka jingbei tyngka; (ii) kheinbeain ia ka jingpynbiang pisa, ki jingdon jingem ne ki lad pynmih pisa na ka bynta kanokano ka kam ka bym shah ha kaba iadei bad ki tiar ialeh kiba lah ban pynjulor bun bad ki rukom pyndonkam ia kine.

The Indian Antarctica Bill, 2022 kaba plié lad ia ki sienjam ha kylleng ka ri ban iada ia ka mariang ha ka Antarctic bad ki thain kiba shaniah ha kane bad ban aibor ia ka Antarctic Treaty, ka Convention halor ka Conservation of Antarctic Marine Living Resources bad ia ka Protocol on Environmental Protection to the Antarctic Treaty bad ia ki kam kiba iadei ne kiba ktah ia kane.

The National Anti-Doping Bill, 2021 kaba plié lad ia ka jingsdang ia ka National Anti-Doping Agency ban tehlakam ia ka jingpyndonkam ia ki dawai pynkhlain ha ki kam ialehkai bad na ka bynta ka United Nations Educational, Scientific and Cultural Organisation International Convention pyrshah ka jingpyndonkam ia ki dawai pynkhlain ha ki kam ialehkai, bad kiba iadei bad kiwei kiwei ki jingiakut bad ki kamram kiba iadei bad kiba ktah ia kane ka kam.

The Central Universities (Amendment) Bill, 2022 kaba thmu ban pynkylla ia ka Central Universities Act, 2009, ban plié lad ia ka jingseng ia ka Gati Shakti Vishwavidyalaya kum ka body corporate.

Ia ka thup jong ki Bills ba la wanrah ha ka LokSabha, ki Bill ba la pyllait da ka Lok Sabha, ki Bill ba la pyllait da ka Rajya Sabha bad ki Bill ba la pyllait da baroh artylli ki iing dorbar thaw ain la suhlang hangne.

Ki jingiataiba lyngkot samoi –

• Ha Lok Sabha, la pynlong ia kawei ka jingiataiba lyngkot samoi hapoh ka Rule 193 halor ka jingkiewdor ki mar.
• Ka jingiatai shuh shuh halor ka jingdonkam ban kyntiew ia ki kam ialehkai ha India bad ki sienjam jong ka Sorkar na ka bynta kane ba la wanrah da u GauravGogoi ha ka 31 tarik u Lber, 2022 ha LokSabha, ka la don hynrei sa shisien kane kam shym poi sha kanokano ka jingkut kaba shai.
• Ha ka RajyaSabha, ka la don kawei ka jingiataiba lyngkot samoi hapoh ka Rule 176 halor ka jingkiew dor ki mar ba kongsan.

6. Ka jingseisoh ki kam ka LokSabha ka long kumba 48% bad na ka bynta ka RajyaSabha kane ka long kumba 44%.

KI KAM AIN BA LA PYNDEP HA KA DORBAR KABA 9 JONG KA LOK SABHA KABA 17 BAD KA DORBAR KABA 257 JONG KA RAJYA SABHA (DORBAR LYIUR)

I – KI BILL BA LA WANRAH HA LOK SABHA

1. The Family Courts (Amendment) Bill, 2022
2. The Central Universities (Amendment) Bill, 2022
3. The Energy Conservation (Amendment) Bill, 2022
4. The New Delhi International Arbitration Centre (Amendment) Bill, 2022
5. The Competition (Amendment) Bill, 2022
6. The Electricity (Amendment) Bill, 2022.

II – KI BILL BA LA PYLLAIT DA KA LOK SABHA

1. The Indian Antarctic Bill, 2022
2. The Family Courts (Amendment) Bill, 2022
3. The National Anti-Doping Bill, 2021
4. The Wild Life (Protection) Amendment Bill, 2021
5. The Central Universities (Amendment) Bill, 2022
6. The Energy Conservation (Amendment) Bill, 2022
7. The New Delhi International Arbitration Centre (Amendment) Bill, 2022

III – KI BILL BA LA PYLLAIT DA KA RAJYA SABHA

1. The Weapons of Mass Destruction and their Delivery Systems (Prohibition of Unlawful Activities) Amendment Bill, 2022
2. The Indian Antarctic Bill, 2022
3. The National Anti-Doping Bill, 2021
4. The Family Courts (Amendment) Bill, 2022
5. The Central Universities (Amendment) Bill, 2022

IV – KI BILL BA LA PYLLAIT DA BAROH AR TYLLI KI IING DORBAR THAW AIN KA PARLIAMENT

1. The Weapons of Mass Destruction and their Delivery Systems (Prohibition of Unlawful Activities) Amendment Bill, 2022
2. The Indian Antarctic Bill, 2022
3. The National Anti-Doping Bill, 2021
4. The Family Courts (Amendment) Bill, 2022
5. The Central Universities (Amendment) Bill, 2022

V – KA BILL BA LA BAT SHUWA DA KA LOK SABHA

1. The Personal Data Protection Bill, 2019