Shillong, Iaiong 23: Ka Deputy Commissioner jong ka South West Khasi Hills District ka kong Iswanda Laloo kala pyntip paidbah sha baroh ki rangbah shnong jong ka District ba ka ophis kala pynlait ia ka bhah jong u khaw bad u Dai na ka bynta u bnai Iaiong na ka skhim Pradhan Mantri Garib Kalyan Anna Yojana ((PMGKAY).
Kane ka long sha baroh ki long iing AAY bad PHH khlem da don kano kano ka jingsiew dor namar ka dei kaba la sam ei. Ia kane ka bhah khaw kaba shu sam ei la mang 5 kilo shi khlieh briew na ka bynta kito kiba don kyrteng haka ration kard AAYne PHH.Katba ia u Dai pat la mang ban shusam ei 1 kilo na ka bynta kawei ka ration kard AAY bad PHH.
Haba ia dei bad kane ka Deputy Commissioner kala bthah ia ki ba dielang ban leit buh haduh ki dukan rashon jong kito ki dukan FP Dealer ki bym lah ban wan kit da lade namar ka jingbymioh pass kali. Namar kata shim khia bad pynshai bad ban pynbeit ba kane ka jingsam ia u khaw bad ia u Dai rashon khlem da siewdor kan iaid beit iaid ryntih hapoh ki shnong jong ki jong phi.
