Shillong, Jymmang 06: Mynta ka sngi ki Deputy Commissioner jong ka jylla Meghalaya kila sam sha ki rangbah shnong ia ka rotin “Home Quarantine” kiba wan phai iing, kane ka long ba ki shnong ki hap ban bud ryntih kumba la bthah.
Katkum ki thymmei khubor kiba la ioh da u SP News Agency la iathuh ba kane ka jingsam ia ka rotin home quarantine sha ki rangbah shnong kaba ba ki shnong ki thaw ki hap ban bud ryntih ia ki kyndon kiba la buh ha kaba ia dei bad kito kiba la wan phai sha iing.
Haba ia dei bad kane na ka liang jong ki DC kila pyntip bad thoh sha ki rangbah shnong ba kin leit ban shim ia kane ka rotin khnang ba kin but ryntih ia ki kyndon kiba la buh ban ia leh pyrshah ia kane ka jingpang COVID-19.
Kumba ka la dep ban pynbna da u Synbut myntri rangbah ka jylla u Bah Prestone Tynsong ha kine ki sngi ba kito ki nongshong shnong jong ka jylla Meghalaya haba kila wan phai sha la ki jong ki iing ki sem ki shnong ki thaw ki hap ban sah ha iing 14 sngi khlem da ia khleh.
