Shillong, Jylliew 9: U District Magistrate jong ka East Khasi Hill District u la pynbna paidbah ba ia ka Curfew ha ki bynta jong ka Lumdiengjri Police Station la pynlait 11 kynta la shai ka sngi u Blei, kata naduh ka por 7 baje mynstep haduh ka por 6 baje jan miet.
Ki jaka kiba hap hapoh jong ka Lumdiengjri PS ki long ka Lumdiengjri, Lamavilla, Qualapatty, Wahthapbru, Sunny Hill, Cantonment, Mawlong Hat kynthupo ia ka Cantonment Beat House Areas lait noh ki jaka kiba sha bar jong ka jingkieng Umsherpi.
Ha ka juh ka por u District Magistrate, u la pyntip ba hapoh jong ka kyndon 144 CrPC kaba la pyntrei kam ia ka Curfew ha ka por miet hapoh ka nongbah Shillong barohkawei la shai ka sngi la pynlait naduh ka por 9 baje myn miet haduh ka por 5 baje mynstep.
